Pages

What do we offer?

"Think Globally, Act Locally" Comics we like, Comics we live, Comics we breathe; Comics we create!
Contact us @
noelregachuelo@gmail.com
brightbirdie@gmail.com
emmagold_man@yahoo.com
+639056434562
noelregachuelo-SKYPE




Friday, December 24, 2010

-Rizaldy Manrique

Sa maabot na Disyembre 20, 2010, gigibuhon an 2nd Bikol Komiks Convention sa Mudbugs Sports Bar, Peñafrancia Avenue, Naga City. An sarong aldaw na pagtiripon nin mga comics creators asin aficionado, mapuon 9am antes 6pm.

An 2nd Bikol Komiks Convention, pigpapadrinuhan kan Bikol Komikero, sarong bagong organisasyon nin mga hoben na Bikolanong comics artist asin writers digdi sa Naga, Iriga asin Camarines Sur.

An enot na edisyon kan Bikol Komiks Convention piggibo kan Mayo 1, 2010 sa Mudbugs sa Naga City. Siring kan enot na pagtiripon, an obheto kan 2nd Bikol Komiks Convention iyo an pakusugon an networking o pagkaboronyog kan mga beterano asin hoben na komikero digdi sa Bikol. Mawot kan grupo na magkaboronyog an mga visual artists o illustrators tanganing maibalik asin repasohon kan publiko an halaga kan komiks bilang arte asin literatura. Katuyohan man kaini na magheras asin balikan tang mga Filipino an satuyang magayon na tradisyon asin kultura nin pagbasa asin pagpublikar nin komiks.

Imbitado an publiko na mag-atendir kan 2nd Bikol Komiks Convention. Magkakaigwa nin mga masunod na aktibidades: lektyur mapadapit sa halaga kan komiks bilang arte na may kapasidad na magtao nin edukasyon asin enterteynment sa mga parabasa. Ako, bilang kolumnista kan Bikol Reporter, asin si Dennis Gonzaga, propesor kan Ateneo de Naga University, asin man si Noel Regachuelo, estudyante kan Ateneo de Naga asin founding-member kan Bikol Komikero, maheras kan samuyang mga obserbasyon kun tano dapat pag-adalan asin suportahan an Bikol Komiks.

Sa parte ko, tatawan ko nin duon an history asin presenteng estado kan Philippine Komiks Industry. Sasalinguyon ko an mga nagin kontribusyon kan mga Bikolanong Komikero na sinda Rudy Florese, Floro Dery, Joe Mari Lee, Charlie Baldorado, Emil Rodriguez, asin iba pa. Ipapahiling ko an halaga kan indie comics asin an mga sakripisyo asin kontribusyon kan mga hoben na komikero na sinda Gerry Alanguilan, Budjette Tan, Arnold Arre, Whilce Portacio, Randy Valliente, asin iba pa tanganing tawan nin otro-buhay (re-birth) an Pinoy Komiks. Tutukaron ko man an halaga asin kontribusyon kan Komiks sa edukasyon asin literacy program kan Dep Ed asin an potensyal kaini na magtao nin trabaho sa mga artists bilang parte kan “creative industry”.

Sa aldaw kan 2nd Bikol Komiks Convention, magkakaigwa nin 1st Bikol Komiks Drawing Contest para sa mga estudyante. Imbitado an mga estudyante sa high school asin kolehiyo na magbali sa contest.

An mga myembro kan Bikol Komikero ma-exhibit man kan saindang mga art works asin maluwas nin saindang indie komiks. Magigin highlight kan convention an pagpublikar asin paglansar kan indie-published na Bikol Komiks Anthology. Sa ngonyan pigtatarabangan ninda Noel Regachuelo, Kimi Esber, Bert Masagca, Red Patricio, Dennis Gonzaga, Al Baleda, Norby Ela, asin Virgilio Abiada an pagbilog asin pagpublikar kan pinakaenot na Bikol Komiks Anthology.

Magayon asin maogma an magbasa nin komiks. Kaya, madya na po, maghirilingan kita sa Disyembre 20, sa Mudbugs Sports Bar, Penafrancia Ave.,Naga City asin itulod ta an 2nd Bikol Komiks Convention. Para sa may mga kahaputan, paki email si Noel sa emmagold_man@yahoo.com o paki-text sa +639056434562.

No comments:

Post a Comment